- 492 -

1416. Sept. 26. Ottmachau.

Wir Wenczlaw von gotes gnaden bischoff czu Breslaw vnd herre czu Legnicz embieten den erbern vnd weisen ratmannen vnd der ganczen gemeyne . . armen vnd reichen vnser stad czu Legnicz, vnsern getrawen lieben, vnsere gnade vnd gunst. Lieben getrawen, wir haben befolen Hannsen Hertil burgermeister vnd Niclosen Ell ratmanne doselbist zu Legnicz vnsern lieben getrawen vnsere meynunge mit euch von vnsern wegen mit euch czu reden, eygintlichen von vns vndirweiset, douon begeren wir von euch, was sie iczunt czu diesem mole von vnsern wegen ken euch werben vnd reden werden, das ir das glawbet, in gleicher weise, als ap wir mit euch muntlichen redten. Geben czu Othmuchow am sonnabende vor Michaelis noch Crist geburt virczenhundert jar vnd dornoch in dem sechczenden jare.

Ohne Rückaufschrift mit aufgepresstem Siegel. Orig. Kgl. Bibl. z. Berl Ms. Boruss. f. 567 No. 47.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866